Ussana, ghennàrgiu 2021
inditzione eletziones rinnovu Assemblea Indiritzu e Rapresentàntzia.
A totus sos sòtzios de Campos
Caru sòtziu
Ti fago ischire chi sunt istadas indetas sas eletziones pro su rinnovu de sa Assemblea de Indiritzu e Rappresentàntzia, chi si ant a tènnere in modalidade online dae su 15 a su 21 de friàrgiu 2021.
Sas eletziones si ant a fàghere in sas maneras previstas dae su istatutu e de su regulamentu eletorali ligadu chi ti invito a castiare pro sos vàrios adempimentos.
In particulare tenide contu chi:
- po istatutu sunt eletores is sòtzius in règula chin su pagamentu de sa cuota assotziativa. Tenende contu de sa proroga de su termine de pagamentu de sa cuota
po su 2020 a su 30 de làmpadas 2021, si intendet in regula su sòtziu chi at pagadu sa cuota de su 2019. Sa data ùrtima po regolarizare sa positzione est su 7/2/2021.
Po informatziones subra sa regolarizatzione si podet mutire a sa segreteria eletorale: Gigi Oliva, tel. 3405651727 o Franciscu Capuzzi tel. 3409300108; - po èssere eletu a sa càrriga, su sòtziu interessadu, depet presentare preventiva candidadura pro sa rapresentantzia in sa arte de iscritzione. Sa candidatura depet èssere imbiada a sa mail segreteria@cordinamentu-campos.org intro de su 31 de ghennàrgiu 2021;
- su votu si potet esertzitare dae sas 8 de manzanu de su 15 bintzas a mesu note de su 21 de freàrgiu intrande in su situ a cale si siat ora. Sas credentziales riservadas po si autenticare e intrare in su sistema de votatzione, benint generadas dae su sistema chi in automàticu las comunicat a manera esclusiva a su singulu eletore a sa mail personale dichiarada. Duncas est netzessàriu, mascamente po sos tenores e cuncordos chi ant dichiaradu una sola mail, de comunicare sas mail de su sìngulu componente rispondende a custa mail o mandande unu messagiu a sos nùmeros de
sa segreteria in subra.
Isetende de nos pòtere bìere de pessone cantu prima, cunfido meda in una partecipatzione ativa a custas eletziones.
Bos saludo.
Su presidente
Nino Porcu
