Est cura de Campos a si fai a ischire ca sa Regione Sarda at publicau su bandu po sa “tzertificatzione linguìstica po su sardu fueddau”, a is sensus de sa lei regionale n. 22/2018.
Totu sa documentatzione si podet consultai a su link:
http://www.regione.sardegna.it/j/v/2599?s=1&v=9&c=46&c1=46&id=94381
Sa presentatzioni de sas domandas scadit su 12/07/2021.
Chie faghet domanda, at a èssiri tzerriadu de is ofìtzius regionales de su sardu po fai unu test (via web) chi cumproat ca issu scit fueddai e cumprèndere su sardu (o si àteras fueddadas de Sardigna) a unu livellu bonu. Feti orali, cumprendi e faeddare, nisciuna proa iscrita.
• S’atestau de connoscentzia orale de su sardu orale est indispensàbili po podi cuncùrrere a is finantziamentus po sos laboratòrius de sas iscolas (de pitzinnia, elementaris, mèdias e superioris) in oràriu extracurricolare, e de is comunus (art. 19 de sa lei);
• Donat puntègiu po cuncurrere a is finantziamentus po programas ràdio e tv (art. 22, comma 2, literas a, b, d de sa lei ).
Est unu strumentu de importu primàriu pro poder imparare sa lìngua e is artis nostas a is generatziones noas. Est fintz’e una manera po donai luxi e prestìgiu a s’assòtziu nostu.
Pro partetzipai consigiamus is sòtzios de Campos a:
1) Scarrigare su mòdulu (in bassu), imprentai in paperi, compilai firmai e torrare a imbiai sa fotografia (o sa pàgina scannerizada) via mail a: cordinamentu@gmail.com
2) Alliongiai, in sa mail de resposta, fotografia de su documentu de identidadi, in faci e in palas.
Chini preferit a imperare sa PEC cosa sua, lu podet imbiare a sa PEC: pi.cultura.sarda@pec.regione.sardegna.it
Po chini tenet preguntas o dudas, sunt disponibiles po arrespundi:
Paulu Zedda, po sos artistas de mutetus e mutos;
Ninu Porcu, po is artistas de poesia logudoresa;
Bustianu Pilosu, po sos artistas de su cantu a tenore
Franciscu Capuzzi, po sos artistas de organittu, fisarmonica ;
Gigi Oliva, po sos artistas de cantìgos de crèsia
Robertu Corona, po is artistas de launeddas
Daniele Giallara, po is artistas de cantu a chiterra
Albertu Atzori, po sos artistas de arrepentina
Po s’importantzia e is tempos burocràticos, domandaus chi is imbius si fatzant su prus a lestru possìbile.
